ATP рейтинги. Султонов 107, яна бир теннисчимиз 57 поғонага юқорилади

Қувонарлиси, мамлакатимизнинг иккинчи ракеткаси Ҳумоюн Султонов 107 поғонага юқорилаб, 496-ўринга жойлашди. У ўз ҳисобига 28 рейтинг очкоси қўшиб олган. Биринчи ракеткамиз Сергей Фомин 2 ўринга кўтарилди. Илья Игнатов ҳам янгиланган рейтингда сезиларли даражада кўтарилишга муваффақ бўлди. У 57 поғонага ўз ўрнини яхшилаб олган. 

Афсуски, Амир Милушев 287 ўрин қуйига тушиб кетди. Учинчи рақамли теннисчимиз Никита Белозерцев 1, Максим Шин эса 5 поғонага пастлаган. Айни пайтда ATP рейтингида ўзбекистонлик 6 нафар теннисчи бор. 

Дунё теннисчиларининг Топ-10`талигида бир нечта ўзгариш кузатилди. Жаҳоннинг биринчи ракеткаси Янник Синнер Уимблдон чемпионлиги ҳимояси эвазига ўз ҳисобига қимматли 2000 рейтинг очкоси қўшиб олди. Ҳозирда унинг ҳисобида 13 450 очко бор. Финалда Синнерга ютқазган германиялик Александр Зверев дунёнинг иккинчи ракеткасига айланди. Ўтган йилги финал Карлос Алькарас жароҳати сабаб мусобақада қатнашмади ва табиийки, йўқотилган баллар эвазига 3-ўринга тушди. 

Австралиялик Алекс де Минаур, сербиялик Новак Жокович, россиялик Даниил Медведев ва италиялик Флавио Коболли бир поғонага юқорилади. 

ATP рейтинги. 13 июль ҳолатига кўра Топ-10:

1 (1). Янник Синнер (Италия) — 13450 очко.

2 (3). Александр Зверев (Германия) — 8480.

3 (2). Карлос Алькарас (Испания) — 8160.

4 (4). Феликс Оже-Альяссим (Канада) — 4740.

5 (6). Алекс де Минаур (Австралия) — 4110.

6 (5). Бен Шелтон (АҚШ) — 3770.

7 (8). Новак Жокович (Сербия) — 3760.

8 (9). Даниил Медведев (Россия) — 3670.

9 (10). Флавио Коболли (Италия) — 3460.

10 (7). Тейлор Фриц (АҚШ) — 3365…

Ўзбекистонлик теннисчиларнинг АТР рейтингидаги ўрни:

297 (295). Сергей Фомин — 181 

496 (603). Ҳумоюн Султонов — 89 (+28) 

746 (745). Никита Белозерцев — 42   

1211 (1206). Максим Шин — 10  

1795Т (1508Т). Амир Милушев — 2 (-2)

1910Т (1967Т). Илья Игнатов — 1