ATP рейтинги. Султоновдан ташқари қолган ҳамма кўтарилди, Топ-10`да ўзгаришлар

Мамлакатимизнинг биринчи ракеткаси Ҳумоюн Султонов ўтган ҳафта билан таққослаганда бир поғонага пастлаб, 224-ўринни эгаллаб турибди. Қолган барча теннисчиларимиз оз бўлса-да, рейтингда юқорилашга муваффақ бўлишди. Иккинчи ракеткамиз Сергей Фомин қўлга киритилган 2 очко эвазига 2 поғонага юқорилади. Максим Шин 6, Амир Милушев 2, Раҳимбек Иброҳимов 5 ўринга кўтарилди. 

Дунё теннисчиларининг Топ-10`талигида ҳам ўзгаришлар кузатилди. Барселона турнири чемпиони Хольгер Руне 13-поғонадан 9-ўринга кўтарилди. Барселона турнирининг ўтган йилги чемпиони Каспер Рууд аксинча, Топ-10`ни тарк этди. Мюнхен турнирида чемпион бўлган германиялик Александр Зверев Барселона турнири финалида ютқазган Карлос Алькараз билан ўрин алмашиб олди ва энди у дунёниг иккинчи ракеткаси. 

ATP рейтинги. 21 апрель ҳолатига кўра Топ-10:

1. (1) Янник Синнер (Италия) - 9930 очко

2. (3) Александр Зверев (Германия) - 8085

3. (2) Карлос Алькараз (Испания) - 8050

4. (4) Тэйлор Фритц (АҚШ) - 5115

5. (5) Новак Жокович (Сербия) - 4120

6. (6) Жек Дрэйпер (Буюк Британия) - 3820

7. (7) Алекс Де Минаур (Австралия) - 3585

8. (8) Андрей Рублёв (Россия) - 3530

9. (13) Хольгер Руне (Дания) - 3480

10. (9) Даниил Медведев (Россия) - 3290...

Ўзбекистонлик теннисчиларнинг АТР рейтингидаги ўрни:

224 (223). Ҳумоюн Султонов - 251 

461 (463). Сергей Фомин - 97 (+2) 

1257 (1263). Максим Шин - 6 

1717Т (1719T). Амир Милушев - 2 

1952Т (1957T). Раҳимбек Иброҳимов - 1