ATP рейтинги. Топ-10 ўзгаришсиз, Султонов 22, Фомин 16 поғонага кўтарилди

Бу ҳафта дунё теннисчилари кучли ўнталигида ўзгариш кузатилмади. Теннис юлдузлари ўтган ҳафтадаги ўринларини сақлаб қолишди. Фақат айрим ракетка усталарига очко қўшилди, баъзиларидан аксинча, балл олиб ташланди. Новак Жокович энг яқин таъқибчисидан 1050 очко кўп жамғарган ҳолда рейтингда ҳамон пешқадамлик қиляпти. 

Мамлакатимизнинг биринчи ракеткаси Ҳумоюн Султонов ўтган ҳафта билан таққослаганда, 22 поғона юқорилашга муваффақ бўлди. Португалия турнирида вице-чемпион бўлган Султоновга 16 очко тақдим этилган ва у айни пайтда 332-ўринни эгаллаб турибди. Сергей Фомин ҳам сезиларли ўсишга эришди. У қўлга киритилган 3 очко эвазига 13 поғона юқорилаб, 656-ўринга жойлашди. Денис Истомин 2, Санжар Файзиев 1 поғонага пастлади. Амир Милушев эса аксинча, 1 ўринга юқорилади. 

ATP рейтинги. 26 февраль ҳолатига кўра Топ-10:

1. (1) Новак Жокович (Сербия) - 9855 очко

2. (2) Карлос Алькараз (Испания) - 8805 

3. (3) Янник Синнер (Италия) - 8270

4. (4) Даниил Медведев (Россия) - 8015

5. (5) Андрей Рублёв (Россия) - 5110

6. (6) Александр Зверев (Германия) - 5085

7. (7) Хольгер Руне (Дания) - 3700

8. (8) Хуберт Гуркач (Польша) - 3395

9. (9) Алекс Де Минаур (Австралия) - 3210

10. (10) Тэйлор Фритц (АҚШ) - 3150

Ўзбекистонлик теннисчиларнинг АТР рейтингидаги ўрни:

332 (354). Ҳумоюн Султонов - 156

656. (669). Сергей Фомин - 50

1452Т (1453Т). Максим Шин - 3

1492Т (1490T). Денис Истомин - 2

1773T (1772T). Санжар Файзиев - 1

1971Т (1972T). Амир Милушев - 1