ATP рейтинги. ТОП-10 ўзгаришсиз, Султонов 5 ўрин кўтарилди, Фомин 55 поғонага пастлади

Европа шаҳарларида ўтказилган бир нечта грунт қопламали турнирларнинг натижалари асосида янгиланган рейтингда ҳамон Новак Жокович пешқадамлик қиляпти. Теннисчиларнинг кучли ўнталигида ўтган ҳафта билан таққослаганда ҳеч қандай ўзгариш кузатилмади. Олтин тўп усталари ўз ўринларини сақлаб қолишди.  

Мамлакатимизнинг биринчи ракеткаси Ҳумоюн Султонов қўлга киритилган 3 очко ҳисобига 5 поғонага юқорилаб, ҳозирда ATP рейтингида 328-ўринни эгаллаб турибди. Иккинчи ракеткамиз Сергей Фомин эса аксинча 55 поғонага пастлаб, 697-ўринга тушиб кетди. Кеча Шимкент турнирида чемпион бўлган Фоминнинг очколари кейинги ҳафта рейтингида акс этади ва у табиийки, яхшигина кўтарилиб олади. 

ATP рейтинги. 22 апрель ҳолатига кўра Топ-10:

1. (1) Новак Жокович (Сербия)- 9990 очко

2. (2) Янник Синнер (Италия) - 8660

3. (3) Карлос Алькараз (Испания) - 8145

4. (4) Даниил Медведев (Россия) - 7085

5. (5) Александр Зверев (Германия) - 5425

6. (6) Каспер Рууд (Норвегия) - 4480

7. (7) Стефанос Циципас (Греция) - 4030

8. (8) Андрей Рублёв (Россия) - 3830

9. (9) Хуберт Гуркач (Польша) - 3675

10. (10) Григор Димитров (Болгария) - 3640...

Ўзбекистонлик теннисчиларнинг АТР рейтингидаги ўрни:

328 (333). Ҳумоюн Султонов - 159 (+3 очко)

697. (642). Сергей Фомин - 43 (-8 очко)

1365Т. (1364Т). Максим Шин - 4 

1509Т (1509T). Денис Истомин - 2

1638Т (1638T). Амир Милушев - 2