ATP рейтинги. Топ-10 ўзгаришсиз, уч теннисчимиз юқорилади

Мамлакатимизнинг биринчи ракеткаси Ҳумоюн Султонов бир поғонага юқорилаб, 235-ўринни эгаллаб турибди. Дам олиш кунлари Дэвис Кубогида учта (иккита яккалик, 1 та жуфтлик) учрашув ўтказган Султонов бир ғалаба ва икки мағлубият қайд этганди. Иккинчи ракеткамиз Сергей Фомин эса аксинча бир поғонага пастлади. Учинчи рақамли теннисчимиз Максим Шин ҳамда Раҳимбек Иброҳимов 2 поғона кўтарилди. Амир Милушев 3 ўринга пастлади. 

Дунё теннисчиларининг Топ-10`талигида ҳеч қандай ўзгариш кузатилмади. Australian Open 2025 чемпиони Янник Синнер катта фарқ билан рейтинг пешқадами бўлиб турибди. Германиялик Александр Зверев ва испаниялик Карлос Алькараз кучли учликдан жой олган. Кеча Монпелье турнирида финалгача етиб келган америкалик Александр Ковачевич Топ-100га қайтди. 

ATP рейтинги. 3 февраль ҳолатига кўра Топ-10:

1. (1) Янник Синнер (Италия) - 11830 очко

2. (2) Александр Зверев (Германия) - 8135

3. (3) Карлос Алькараз (Испания) - 7010

4. (4) Тэйлор Фритц (АҚШ) - 5050

5. (5) Каспер Рууд (Норвегия) - 4160

6. (6) Новак Жокович (Сербия) - 3900

7. (7) Даниил Медведев (Россия) - 3780

8. (8) Алекс Де Минаур (Австралия) - 3735

9. (9) Томми Пол (АҚШ) - 3495

10. (10) Андрей Рублёв (Россия) - 3220...

Ўзбекистонлик теннисчиларнинг АТР рейтингидаги ўрни:

235 (236). Ҳумоюн Султонов - 245 

562. (561). Сергей Фомин - 63 

1176. (1178). Максим Шин - 8 

1547Т (1544T). Амир Милушев - 3 

2017Т (2019T). Раҳимбек Иброҳимов - 1