ATP рейтинги. Топ-10`да ўзгаришлар, уч теннисчимиз юқорилади

Мамлакатимизнинг биринчи ракеткаси Ҳумоюн Султонов 2 поғона юқорилаб, 218-ўринни эгаллаб турибди. Иккинчи ракеткамиз Сергей Фомин Португалия турниридаги муваффақиятли иштироки сабаб 3 очко жамғарди ҳамда 11 поғонага кўтарилиб, 564-ўринга жойлашди. Максим Шин ҳам 2 поғонага кўтарилиб олди. Амирбек Милушев эса аксинча 3, Раҳимбек Иброҳимов 1 ўринга пастлаган. 

Дунё теннисчиларининг Топ-10`талигида ўзгаришлар кузатилди. Дубай турнирида чемпион бўлган грециялик Стефанос Циципас Топ-10 га қайтди. Россиялик Андрей Рублёв ҳам 9-поғонадан 8-ўринга кўтарилди. Акапулько турниридаги чемпионлигини ҳимоя қила олмаган австралиялик Алекс Де Минаур 8-ўриндан 10-поғонага пастлади.

Италиялик Янник Синнер уч ойга катта теннисдан четлатилганига қарамай, ҳамон катта фарқ билан рейтинг пешқадами бўлиб турибди. Кучли учликдан германиялик Александр Зверев ва испаниялик Карлос Алькараз жой олган. 

ATP рейтинги. 3 март ҳолатига кўра Топ-10:

1. (1) Янник Синнер (Италия) - 11330 очко

2. (2) Александр Зверев (Германия) - 8135

3. (3) Карлос Алькараз (Испания) - 7510

4. (4) Тэйлор Фритц (АҚШ) - 4900

5. (5) Каспер Рууд (Норвегия) - 4045

6. (6) Даниил Медведев (Россия) - 3930

7. (7) Новак Жокович (Сербия) - 3900

8. (9) Андрей Рублёв (Россия) - 3480

9. (11) Стефанос Циципас (Греция) - 3405

10. (8) Алекс Де Минаур (Австралия) - 3335

Ўзбекистонлик теннисчиларнинг АТР рейтингидаги ўрни:

218 (221). Ҳумоюн Султонов - 254 

564. (575). Сергей Фомин - 64 

1177. (1179). Максим Шин - 8 

1554Т (1551T). Амир Милушев - 3 

2023Т (2022T). Раҳимбек Иброҳимов - 1