ATP рейтинги. Топ-20 ўзгаришсиз, Ҳумоюн 48 ўрин юқорилади, Истомин 314 поғонага пастлади

Нафақат кучли ўнталик, балки Топ-20`таликда ҳам ҳеч қандай ўзгариш кузатилмади. Новак Жокович ҳамон катта фарқ билан дунё теннисчилари рейтингини бошқармоқда. Сербиялик теннис юлдузи саккизинчи бор мавсумни рейтинг пешқадами сифатида якунлайди. Карлос Алькарас иккинчи ўринни эгаллаб турган бўлса, россиялик Даниил Медведев кучли учликка якун ясаган. 

Денис Истоминдан ташқари, теннисчиларимизнинг барида кўтарилиш кузатилди. Биринчи ракеткамиз Ҳумоюн Султонов 48 поғонага юқорилаб, айни пайтда 132 очко билан 367-ўринни эгаллаб турибди. Иккинчи ракеткамиз Сергей Фомин 2 поғонага кўтарилди. Денис Истомин эса оз эмас, кўп эмас, 314 ўринга пастлаб, 1485-поғонага тушиб кетди. Шунингдек, у энди Ўзбекистоннинг тўртинчи ракеткаси. Максим Шин 8, Санжар Файзиев 2, Амир Милушев ҳам поғонага кўтарилди. 

ATP рейтинги. 2023 йил 4 декабрь ҳолатига кўра Топ-10:

1. (1) Новак Жокович (Сербия) - 11245 очко

2. (2) Карлос Алькараз (Испания) - 8855 

3. (3) Даниил Медведев (Россия) - 7600

4. (4) Янник Синнер (Италия) - 6490

5. (5) Андрей Рублёв (Россия) - 4805

6. (6) Стефанос Циципас (Греция) - 4235

7. (7) Александр Зверев (Германия) - 3985

8. (8) Хольгер Руне (Дания) - 3660

9. (9) Хуберт Гуркач (Польша) - 3245

10. (10) Тэйлор Фритц (АҚШ) - 3100

Ўзбекистонлик теннисчиларнинг АТР рейтингидаги ўрни:

367 (415). Ҳумоюн Султонов - 132

728 (730). Сергей Фомин - 35

1347Т (1355Т). Максим Шин - 4

1485Т (1171). Денис Истомин - 2

1535T (1537T). Санжар Файзиев - 2

1958Т (1960T). Амир Милушев - 1