11 ноя 09:10
Янгиликлар

Теннис

ATP Якуний турнири. Даниил Медведевда мағлубият

Дунёнинг тўртинчи ракеткаси Даниил Медведев Туринда старт олган ATP Якуний турниридаги иштирокини мағлубият билан бошлаб олди.

Россиялик теннисчи гуруҳнинг илк учрашувида ATP рейтингида олтинчи ўринни эгаллаб турган америкалик Тэйлор Фритцга 4/6, 3/6 ҳисобида имкониятни бой бериб қўйди. Тэйлор ғалабаси эвазига теннисчиларнинг ўзаро учрашувлари ҳисобида ҳам мувозанатни тиклаб қўйди - 1:1.

Саксон дақиқа давом этган баҳсда Медведев 8, Фритц 9 та эйс зарбасини амалга оширган. Даниилга қўшхатолари ҳам қимматга тушди. У тўпни ўйинга киритишда 8 бор очко йўқотган. Тэйлор бу борада хатога йўл қўймади. Брейклар бўйича устунлик америкалик теннисчи томонида бўлди - 2 га 0.