16 ноя 09:15
Янгиликлар

Теннис

ATP Якуний турнири. Доминик Тимда илк ғалаба

Хабар берганимиздек, шу кунларда Англиянинг Лондон шаҳрида теннис бўйича ATP Якуний турнири бўлиб ўтмоқда.

Лондондаги “O2 Arena” корти мезбонлик қилаётган ҳамда соврин жамғармаси 7 миллион долларни ташкил қилувчи ушбу турнирда кеча иккита учрашув ўтказилди.

Турнирнинг тўртинчи ракеткаси австриялик Доминик Тим испаниялик Рафаэль Надалнинг ўрнини эгаллаган Пабло Карреньо-Бустани 6:3, 3:6, 6:4 ҳисобида мағлуб этди. Бу Тимнинг илк ғалабаси бўлди.

Маълумот учун, 2017 йилги теннис мавсумини якунлаб берувчи ушбу нуфузли мусобақада дунёнинг энг кучли саккиз нафар ракетка усталари икки гуруҳда бош мукофот учун баҳс олиб боришяпти.