11 ноя 08:07
Янгиликлар

Теннис

ATP Якуний турнири. Дунёнинг биринчи ракеткаси бошлади

Италиянинг Турин шаҳрида теннис бўйича йилнинг Якуний ATP турнири старт олди.

Дунёнинг биринчи ракеткаси Янник Синнер нуфузли мусобақадаги иштирокини ғалаба билан бошлаб олди. Италиялик теннисчи гуруҳнинг илк учрашувида ATP рейтингида 8-ўринни эгаллаб турган австралиялик Алекс Де Минаурни мағлубиятга учратди - 6/3, 6/4.

Теннисчиларнинг ўзаро учрашувларида Янник мутлақ етакчи - 8:0. Саксон тўрт дақиқа давом этган баҳсда Синнер 8, Де Минаур 3 та эйс зарбасини амалга оширди. Қўшхатолар 2 га 1 кўринишида Минаур, брейклар эса 3 га 1 ҳолатида Янник фойдасига ҳал бўлди.