ATP Якуний турнири. Рус дербисида Рублёв Даниил Медведевни мағлуб этди

Гуруҳ босқичи доирасидаги илк учрашувда Андрей Рублёв ватандоши Даниил Медведевга қарши кортга чиқди. Драматик кечган ватандошлар баҳсида Рублёв 6:7 (7:9), 6:3, 7:6 (9:7) ҳисобида ғалаба қозонди. 

Учрашув 2 соату 34 дақиқа давом этган. Рублёв 9 та эйс зарбасини амалга ошириб, 1 та қўшхатога йўл қўйди ва 9 уринишдан 3 марта брейк-пойнтга эришди. Медведев ҳисобида эса 24 эйс, 8 қўшхато ва 1 та брейк-пойнт бор.

Якуний турнирнинг амалдаги ғолиби мавсумнинг иккинчи қисмини жиддий жароҳат билан ўтказиб юбораётган германиялик Александр Зверев ҳисобланади. 2021 йилги мавсум финалида у 2020 йилги турнир ғолиби Даниил Медведевни мағлуб этганди.