АТР Якуний турнири. Медведев Новак Жоковични мағлуб этди

Гуруҳ босқичининг иккинчи турида кутилмаган натижа қайд этилди. Россиялик теннисчи, АТР рейтингида 4-поғонадан жой олиб турган Даниил Медведев дунёнинг биринчи ракеткаси, сербиялик Новак Жоковични мағлуб этишнинг уддасидан чиқди - 6/3, 6/3.

Бир соату 21 дақиқа давом этган баҳсда 24 ёшли Даниил 10 та, 33 яшар Новак эса 3 та эйс зарбасини амалга оширди. Медведев ушбу ғалабаси эвазига ўзаро учрашувлардаги ҳисоб мувозанатини ҳам тиклади - 3:3. Россиялик теннисчи кетма-кет иккита ғалабаси сабаб муддатидан аввал 1/2 финалга йўл олди.