20 янв 15:06
Янгиликлар

Теннис

Australian Open. Диего Шварцман 175-ракеткага ютқазиб қўйди

Мельбурн шаҳрида давом этаётган теннис бўйича "Катта Дубулға" туркумига кирувчи Австралия Очиқ чемпионатида кутилмаган натижалар ҳам кузатиляпти.

Жумладан, дунёнинг 13-ракеткаси, аргентиналик Диего Шварцман иккинчи давра учрашувида ATP рейтингида 175-поғонадан жой олган австралиялик Кристофер О'Коннелга 6/7(6), 4/6, 4/6 ҳисобида имкониятни бой бериб, мусобақадаги иштирокини эрта якунлади.

Уч соату 7 дақиқа давом этган баҳсда 29 ёшли Шварцман 5 та, 27 яшар мезбонлар вакили эса 7 та эйс зарбасини ижро этган. Бу теннисчиларнинг ўзаро ўтказган илк учрашуви эди. О'Коннелнинг кейинги рақиби америкалик Максим Кресси бўлади. У чехиялик Томаш Махачдан устун келди - 6/1, 3/6, 6/1, 7/6(5).