24 янв 16:04
Янгиликлар
Теннис
Australian Open. Камилла Раҳимова жуфтликда иккинчи ўйинини ўтказди
Австралиянинг Мельбурн шаҳрида ўтказилаётган теннис бўйича "Катта Дубулға" туркумига кирувчи Австралия Очиқ чемпионатининг жуфтлик баҳслари давом этмоқда.
Маълум қилганимиздек, аёллар ўртасидаги жуфтлик баҳсларида мамлакатимизнинг биринчи рақамли ракетка устаси Камилла Раҳимова нейтрал мақомдаги Анна Блинкова билан ҳамкорликда иштирок этмоқда.
Теннисчилар бугун мусобақа доирасида АҚШ вакилалари Хейли Баптист ҳамда Пейтон Стирнсга қарши кортга чиқишди.
1 соат 12 дақиқа давом этган ўйинда Раҳимова ва унинг шериги 3:6, 4:6 ҳисобларида имкониятни бой берди ва мусобақадаги юришини тўхтатди.
Спортчилар бунгача турнирнинг илк даврасида Хитой Тайпейи вакиласи Чань Хаоцин ва хитойлик Цзян Синью жуфтлигини 3/6, 7/5, 7/6(тай-брекда 10/1) ҳисобида мағлубиятга учратган эди.
Ҳавола :
Манба : olamsport.com
Фикрлар