24 янв 07:33
Янгиликлар

Теннис

Australian Open. Қозоғистонлик теннисчи 1/8 финалга чиқди

Австралиянинг Мельбурн шаҳрида ўтказилаётган "Катта Дубулға" туркумига кирувчи Australian Open турнири ўзининг қизғин палласига кириб бормоқда.

Қозоғистонлик теннисчи Александр Бублик мусобақанинг нимчорак финал иштирокчисига айланди. Дунёнинг ўнинчи ракеткаси бўлиб турган Бублик учинчи даврада ATP рейтингида 62-поғонадан жой олган аргентиналик Томас Мартин Этчеверрини 7/6(4), 7/6(5), 6/4 ҳисобида мағлубиятга учратди.

Бу теннисчиларнинг ўзаро ўтказган иккинчи учрашуви бўлди - 2:0. Икки соату 35 дақиқа давом этган баҳсда Бублик 21, Этчеверри 10 та эйс зарбасини амалга оширди. Энди қозоқ теннисчиси 1/4 финалга бериладиган йўлланма учун австралиялик Алекс де Минаурга қарши кортга чиқади.