13 июл 08:43
Янгиликлар

Футбол

Аутсайдерга ютқазган "Лестер" 3-ўринга кўтарилиб олиш имкониятини қўлдан чиқарди

Англия чемпионати 35-тури доирасида "Борнмут" ўз майдонида "Лестер"ни қабул қилди.

Ушбу турда "Челси" мағлубиятга учрагач, "Лестер"да 3-поғонага кўтарилиб олиш имкони пайдо бўлганди. Бунинг учун Чемпионшипга тушиб кетиш учун асосий даъвогарлардан ҳисобланган "Борнмут"дан устун келиш керак эди.

Бироқ, амалда барчаси бошқача бўлди. Учрашувда ҳисоб Жейми Варди томонидан очилганди, аммо 2-бўлимда меҳмонлар ҳимоячиси Чағлар Союнчу қизил карточка олди ва "Борнмут" "тулкилар"ни янчиб ташлади.

Маълумот учун, агар "Манчестер Юнайтед" эртага "Саутгемптон"дан устун келса, "қизил иблислар" 3-ўринга кўтарилиб олишлари мумкин.