Авиакомпания Царукянни рейсдан "ечиш" сабабини маълум қилди

"American Airlines" авиакомпанияси вакиллари воқеа юзасидан расмий баёнот бериб, учувчи ва унинг ҳамроҳлари самолётни учиш йўлагига ҳайдаш вақтида Арман ва унинг жамоаси ўз жойини тарк этгани сабабли самолётдан туширилганини маълум қилишди.

"16 апрель куни American Airlines авиакомпаниясининг 513 рейси федерал қоидаларга риоя қилишдан бош тортган йўловчилар туфайли Лос-Анжелес халқаро аэропортидаги қўниш йўлагига қайтди. Хавфсизлик бизнинг асосий устувор вазифамиз ва биз йўловчилардан бортдаги экипаж кўрсатмаларини, жумладан, самолётни бошқариш пайтида ўз жойларида қолиш талабини бажаришни талаб қиламиз", - дейилади авиакомпаниянинг MMA Fighting нашри томонидан эълон қилинган расмий шарҳида.

Авиакомпания маълумотларига кўра, Царукян ва унинг дўстлари самолёт парвозга шайланган пайтда йўлакда турган ва ўз жойларини эгаллашдан бош тортган. Экипаж аъзолари уларни ўз жойларига қайтишга кўндиришга уринган, аммо охир-оқибат самолётни қайтаришга қарор қилинган.

Парвоздан беш киши, жумладан, Царукян ҳам ечилган, шундан сўнг самолёт Филадельфияга учиб кетган. Арман Филадеьфияга 18 апрелга белгиланган RAF 8 турнирида иштирок этиш учун йўл олганди. Натижада россиялик аралаш яккакураш устаси тадбир ўтказиладиган жойга хусусий самолётда учишга мажбур бўлган.