Авлиёхон Ҳамидов ҳам фаолиятини ONE FC'да давом эттиради

32 ёшли андижонлик жангчи бу ҳақда Instagram саҳифасида маълум қилган. Ҳамидов, шунингдек, навбатдаги жанги санасини ҳам эълон қилган:

"Ассалому алайкум ҳаммага! Жуда катта танаффусдан кейин октагонга қайтяпман. 30 июнь куни Таиланд пойтахти Бангкокда ONE FC турнирида жанг қиламан. Дуода бўлиб туринглар", - деб ёзиб қолдирган ҳамюртимиз.

Эслатиб ўтамиз, Авлиёхон Ҳамидов февраль ойида ACA лигасида жанг қилиши керак эди, бироқ унинг Россия ҳудудига киришида муаммо юзага келгани сабаб, жанги бекор бўлган эди. Ҳозирда унинг ACA лигаси билан шартномаси ҳақида маълумот берилмаган. Аввалроқ, Муҳиддин Мамажоновнинг ONE Championship билан шартнома имзолаш арафасида эканини ёзган эдик.