06 апр 11:17
Янгиликлар

Формула-1

Австралия Гран-приси. Леклер виртуал пойга ғолибига айланди

"Феррари" пилоти Шарль Леклер Формула-1 чемпионати доирасидаги Австралия Гран-приси ғолиблигини қўлга киритди.

Пойга виртуал кўринишда ўтказилиб, Альберт-парк трассасида Шарль Леклерга тенг келадиган рақиб топилмади. F1 Esports Grand Prix пойгаси ўтган йилги Codemasters симулятори асосида ўтказиляпти.

Альберт-Парк виртуал трассасида "Рено" жамоаси вакили Кристиан Лундгор иккинчи ўринни эгаллаган бўлса, кучли учлика "Уильямс" пилоти Жорж Расселл якун ясади. Леклернинг укаси Артур маррага тўртинчи бўлиб етиб келди.

Маълумот учун, биринчи виртуал пойгада "Рено" жамоаси пилоти Чжоу Гуаньюй ғолибликни қўлга киритган эди. Навбатдаги босқич икки ҳафтадан сўнг Шанхай виртуал трассасида ўтказилади.