17 апр 08:45
Янгиликлар

Шахмат

Айни шу сонияларда шахматчиларимиз Жаҳон чемпионатига йўл олишмоқда

Туркиянинг Анталия шаҳри шахмат бўйича 7 ёшдан 17 ёшгача бўлган мактаб ўкувчилари ўртасидаги Жаҳон чемпионатига мезбонлик қилади.

Шу муносабат билан айни дақиқаларда Ўзбекистон терма жамоаси делегацияси Ислом Каримов номидаги Тошкент халқаро аэропортидан Туркияга йўл олмоқда.

Эртага старт оладиган нуфузли мусобақада юртимиз шарафини 7 ёшгача бўлган ўқувчилар орасида Зайнура Абророва, Акбар Аллаберганов, 9 ёшлилар ўртасида Хумоюн Бекмуродов, 11 ёшгача шахматчилар орасида Афруза Ҳамдамова, Баҳром Бахруллаев,13 ёшлилар баҳсида Умида Омонова, 15 ёшгача шахматчилар мусобақасида Жавоҳир Синдаров, 17 ёшлилар турнирида Шамсиддин Воҳидов, Нодирбек Ёқуббоев ҳамда Али Қосимовлар ҳимоя қилишади.