06 сен 17:23
Янгиликлар

Спорт курашлари

Аёллар кураши терма жамоамиз Жаҳон чемпионатида қандай таркиб билан қатнашади?

13-21 сентябрь кунлари Хорватиянинг Загреб шаҳрида ўтказиладиган спорт курашлари бўйича жаҳон чемпионатида Ўзбекистон аёллар кураши терма жамоаси ҳам иштирок этади.

Загреб гиламларида терма жамоамизнинг 6 нафар вакиласи жаҳон чемпионати медаллари йўлида баҳс олиб боради.

Таркибдан Париж-2024 Олимпиадаси иштирокчиси Актенге Кеунимжаева, ўсмирлар Олимпиадаси совриндори Шоҳида Аҳмедова, яқиндагина Вьетнамнинг Вунгтау шаҳрида ёшлар (U 23) ўртасида ўтказилган Осиё чемпионатида бронза медалини қўлга киритган Лайлохон Собирова, шунингдек, Набира Есенбаева, Светлана Оқназарова ва Озода Зарипбоева жой олган.