Азамат Нуфтиллаевнинг Мойзесио Брандаога қарши жанги муддатидан олдин якунланди

Турнирнинг асосий карди доирасида оғир вазнли спортчимиз Азамат Нуфтиллаев (10-1-1, 7КО) бразилиялик Мойзесио Брандао (6-4, 2КО)га қарши жанг қилди. 

Уч раундга мўлжалланган жангда Нуфтиллаев рақибини учинчи раундда техник нокаут орқали мағлуб этди. Шу тариқа, Азамат "Дракон" Нуфтиллаев Ares промоушенидаги иккинчи жангида биринчи ғалабасини қўлга киритди.

Жанг статистикасига назар ташласак, Нуфтиллаев Брандаога жами 234 маротаба ҳужум қилган, 2 бор тейкдаун амалга оширган. Рақиб Мойзесио Брандао эса Азамат Нуфтиллаевга қарши атиги 24 бор ҳужум уюштира олган.

Азамат Нуфтиллаев мазкур промоушендаги илк жангида Слим Трабелсига қарши октагонга кўтарилиб, мағлуб бўлган эди.