Азизбек Ғаниевни табриклаймиз!

Азизбек Ғаниев 1985 йил 22 декабрда Тошкент шаҳрида туғилган. Миллий спорт туримиз - белбоғли курашни дунё бўйлаб кенг қулоч ёйиб, халқаро спорт турига айланиб боришида жаҳон белбоғли кураш ассоциацияси президентининг меҳнатлари эътирофга лойиқ.  

2021 йилдан ЖБКАга раҳбарлик қилиб келаётган Азизбек Ғаниев белбоғли курашимизни дунё миқёсида оммалаштиришни мақсад қилган. Шу боис, Ғаниевнинг ташаббуси, кўмаги ва ҳомийлигида қисқа фурсатда дастлаб мамлакатимизда белбоғли курашни ёшларимиз ўртасида кенг оммалашишига, ушбу спорт тури билан спорт-таълим муассасаларида шуғулланувчи ўғил-қизлар сони кескин ошишига эришилди. 

Шунингдек, Европа, Осиё ва Пан-Америка белбоғи кураш конфедрация ҳамда федерацияларини очилиб, ушбу қитъаларда белбоғли курашни ривожлантириш ишлари бошлаб юборилди. 

Ўзбекистон Республикаси Президенти соврини учун 2021 йил Жиззах шаҳрида жаҳон чемпионати, 2022 йил Қўқон шаҳрида ёшлар ўртасида жаҳон чемпионати, 2022 йил Наманган шаҳрида жаҳон чемпионатларининг юқори савияда ўтказилишида айнан Азизбек Ғаниевнинг ҳам қўшган ҳиссаси ва кўмаги эътиборга молик. 

Белбоғли курашимизни ривожлантиришга қўшаётган хизматлари туфайли А.Ғаниев қатор мукофотлар билан тақдирланди. Жаҳон белбоғли кураш ассоциацияси президенти Азизбек Абдухалилович Ғаниевнинг бош мақсади - белбоғли курашимизни океан орти бўладими, Африка, Европа ёки Осиё бўладими фақат танитиш, ривожлантириш, олимпия оиласи сафига қўшиш ва шу орқали Юртимизни ҳамиша улуғлаш бўлади. 

Фурсатдан фойдаланиб, Ўзбекистон белбоғли кураш федерацияси кенгаши аъзолари, мураббийлар ҳамда кўп сонли полвонлар номидан Азизбек Ғаниевга узоқ умр, оилавий бахт, белбоғли курашни ривожлантириш йўлидаги ишларига улкан муваффақиятлар тилаймиз.