Азизбек Темировнинг RIZIN Лигасидаги илк рақиби эълон қилинди (ПОСТЕР)

Ҳамюртимиз мазкур ташкилотдаги илк жангини 12 апрель куни Япониянинг Фукуока шаҳрида ташкил этиладиган RIZIN Landmark 13 турнирида ўтказади. Унга мусобақа доирасида япониялик Рьюя Фукуда рақиблик қилади.

Бу Азизбек учун RIZIN билан шартномаси бўйича 3 та жангидан биринчиси ҳисобланади. Жанг энг енгил вазн тоифасида ўтказилади.

Азизбек Темиров фаолияти давомида ҳозиргача 7 та жанг ўтказиб, 5 та ғалаба ва 2 та мағлубият қайд этган. Фукуда ҳисобида эса 26 та ғалаба, 9 та мағлубият ва 1 та дуранг бор.