23 июн 17:51
Янгиликлар

Футбол

Азизжон Ғаниев "Шабаб Ал Аҳли" билан шартномасини узайтирди

Ўзбекистонлик ярим ҳимоячи фаолиятини ўз клубида давом эттирадиган бўлди.

Championat.asia сайти маълумотига кўра, БАА чемпиони "Шабаб Ал Аҳли" клуби Азизжон Ғаниевга 1+1 кўринишидаги янги шартнома таклиф қилган. Ўзбекистонлик ярим ҳимоячи ушбу таклифни қабул қилган ва шартнома узайтирилган. Икки кундан кейин Ғаниев клуб ихтиёрига етиб боради ва янги мавсумга тайёргарликни бошлайди.

Маълумот учун, "Шабаб Ал Аҳли" 15 август куни ОЧЛ саралаш босқичида Иорданиянинг "Ал Виҳдат" клубини қабул қилади. Ушбу жуфтлик ғолиби 22 август куни Саудия Арабистонида "Ал Насср" клуби билан гуруҳ босқичи йўлланмаси учун курашади.

БААда янги мавсум 18 август куни старт олади. "Шабаб Ал Аҳли" 1-турни сафарда "Ажман"га қарши ўтказади.