15 сен 15:29
Янгиликлар

Футбол

Азизжон Ғаниев яшил майдонга қайтди

Ўзбекистон терма жамоаси ва "Шабаб Ал Аҳли" клуби ярим ҳимоячиси Азизжон Ғаниев февраль ойида жиддий жароҳат олганди.

Ҳамюртимиз "Ал Ваҳда" билан баҳсда жароҳат олган ва операция столига ётишга мажбур бўлганди. Май ойи бошида Ғаниев тикланиш машғулотларини бошлаганди.

Куни кеча Азизжон жароҳатидан буткул қутулиб "Шабаб Ал Аҳли" сафида назорат учрашувида майдонга тушди. "Ал Таид" клубига қарши кечган баҳсда ўзбекистонлик футболчи тўлиқ 90 дақиқа майдонда ҳаракат қилди ва қувонарлиси голлардан бирига ассистентлик қилди.

Учрашувда "Шабаб" 2:0 ҳисобида ғалабага эришди.