30 май 08:26
Янгиликлар

Футбол

БАА Про лигаси. Ғаниев голли узатмаси билан "Шабаб Ал Аҳли"нинг йирик ҳисобдаги ғалабасига ҳисса қўшди

БАА Про лигаси 25-туридан ўрин олган "Хатта" — "Шабаб Ал Аҳли" учрашуви меҳмон жамоанинг ишончли ғалабаси билан якунига етди.

"Шабаб Ал Аҳли" сафарда ўйнганига қарамай, учрашувда 5:2 ҳисобида ғалаба қозонди. Жамоа сафида ўзбекистонлик ярим ҳимоячи Азиз Ғаниев асосий таркибда майдонга тушиб, жамоасининг иккинчи голига ассистентлик қилди. Шунингдек, у 77-дақиқада сариқ карточка ҳам олди.

Мазкур турдан сўнг "Шабаб Ал Аҳли" 55 очко тўплаган ҳолда турнир жадвалининг 2-поғонасида бормоқда.