Бадантарбия машғулотидан завқ олиб

Ўзбекистон Миллий Олимпия қўмитаси вилоят бўлими, вилоят жисмоний тарбия ва спорт бошқармаси тасарруфидаги Спорт ўйинлари ва енгил атлетикага ҳамда Яккама-якка кураш спорт турларига ихтисослаштирилган болалар-ўсмирлар спорт мактаби ҳамкорлигида уюштирилган эрталабки бадантарбия машғулоти ҳам ана шу саъй-ҳаракатлар самараси ҳисобланади. 

“Ёшлик” спорт мажмуаси аренасида ташкил этилган мазкур машғулотда Урганч шаҳридаги  умумтаълим мактаблари ва мактабгача таълим муассасаларида меҳнат қилаётган хотин-қизлар жалб қилинди. Ўз навбатида улар хуш кайфиятда бадантарбия машқларини бажариб, ўзгача завқ ҳам олишди. 

Асосийси, барчаси соғликларини бир меъёрда сақлашда бадантарбия машқлари ва ҳаракатдан яхши восита йўқлигини, бу инсонга фақат ва фақат фойда келтириб, касалликларни олдини олишга ёрдам беришини кўнгилдан ҳис қилишди.

Икром Худойберганов тайёрлади, Урганч шаҳридан