Бадиий гимнастика. Байрамга бағишланган мусобақа

Тошкент вилояти жисмоний тарбия ва спорт бошқармаси ҳамда мазкур бошқарма тасарруфидаги Нурафшон шаҳар болалар-ўсмирлар спорт мактаби ташаббуси билан ўтказилган ушбу очиқ чемпионатда Тошкент вилоятининг Оққўрғон, Пискент, Ўртачирчиқ туманларидан ҳамда Самарқанд ва Андижон вилоятларидан икки юз нафарга яқин спортчи-қизлар иштирок этишди.

Муросасиз беллашувларининг якуний натижаларига кўра кучли учликдан жой олган бадиий гимнастикачилар ташкилотчилар томонидан диплом, медаль ва эсдалик совғалари билан мукофотланишди. 

Шунингдек, яқинда  Навоий вилоятида бадиий гимнастика бўйича ўтказилган мамлакат чемпионатида муваффақиятли иштирок этган Тошкент вилояти жамоаси вилоят жисмоний тарбия ва спорт бошқармаси бошлиғи Комилжон Адилов томонидан спорт сумкалари ва кийимлари билан таъминлангани жамоа қизларини спортга бўлган иштиёқини янаям кучайтиргани бор гап. 

Илҳом РАҲМОНОВ тайёрлади