Бадиий гимнастика. Тошкентда Жаҳон кубоги якунланди

Шу кунлари мамлакатимизда бадиий гимнастика бўйича Жаҳон кубогининг учинчи босқич баҳслари ўтказилди. Унда дунённиг 14 мамлакатидан ташриф буюрган спортчилар совринли ўринлар учун кураш олиб боришди.

Хабар бериб ўтганимиздек, мусобақада ҳамюртимиз Сабина Ташкенбаева ўзбек гимнастикаси учун тарихий натижа қайд этди. У булава билан машқларда кумуш медални қўлга киритди. Бунгача, гимнастикачиларимиз Жаҳон кубоги баҳсларида кумуш медаль қўлга кирита олмагандилар. Мусобақада шунингдек, бошқа бир спортчимиз Нуриниссо Усмонова ҳам иштирок этди. Кўпкураш якунларига кўра, Сабина 14 нафар спортчи ичида 8-ўринни қўлга киритган бўлса, Нуриниссо 13-ўринни эгаллади. Шунингдек, Сабина ҳалқа билан машқларда олтинчи ўринни эгаллади. Яккалик беллашувларида россиялик Александра Солдатова барча олтин медалларни қўлга киритди.

Жамоавий баҳсларда қизларимиз саккиз мамлакат ичида бешинчи бўлишди.