Бадиий гимнастикачиларимиз яна бир халқаро турнирда шоҳсупага кўтарилишди

Унда Россиянинг ўнлаб шаҳарлари қаторида Тошкентдан ҳам борган 500 га яқин гимнастикачилар иштирок этишди. Гимнастикачиларимиз ушбу мусобақада Севар Каримова ва Влада Эштаева бошчилигидаги қатнашишди. 

Шахсий машқларда ўсмирлар ўртасида Мафтуна Заирова олтин медални қўлга киритган бўлса, Асал Икромова катталар ўртасидаги беллашувларда кумуш медаль билан тақдирланди. Гуруҳ машқларида ҳам ўз имкониятларини синовдан ўтказган гимнастикачиларимиз якунда шоҳсупанинг энг юқори поғонасига кўтарилишди. Жамоа таркибида Камилла Абдуллаева, Нилуфар Аъзамова, Динара Иззатуллаева, Сабина Ганиева ва Виктория Кимнинг чиқиши олтин медални қўлга киритиш учун етарли бўлди.

Бундан ташқари, Ульяна Трофимованинг махсус соврини билан Хуршида Абдурауфова, Ариана Бондарева ва Севинч Мамадалиевалар тақдирланишди.

Қайд этиш лозимки, Ульяна Трофимова 2012 йили Лондон мезбонлик қилган Олимпия ўйинларида Ўзбекистон шарафини ҳимоя қилган. У ўз вақтида терма жамоамиз сафида Осиё ўйинлари, шунингдек Осиё чемпионатларида совринли ўринларни қўлга киритган.

Хуршида Абдикулова