Бадиий гимнастикачиларимиздан навбатдаги медаллар шодаси

Қитъа биринчилигида гимнастикачи қизларимиз бугун ҳам Ўзбекистон ғазнасига яна учта олтин, битта кумуш ва иккита бронза медалини қўшиб қўйишди.

Тахмина Икромова кўпкураш баҳсларида рақибаларига ҳеч қандай имконият қолдирмаган ҳолда чемпионликни қўлга киритган бўлса, гуруҳ машқларида қизларимиз олтин медалга эга чиқишди. Шунингдек, ҳалқа билан якуний чиқишда олтин медалга сазовор бўлган Наталья Усова бугунги кун қаҳрамонига айланди.

Бундан ташқари, Шахзода Ибрагимова, Наргиза Жуманиёзова, Нилуфар Aъзамова, Мумтоза Исхоқзода, Хуршида Aбдурауфова ва Мария Пак 5 та ҳалқа билан машқ бажариш баҳсида кумуш медални қўлга киритди. Ўсмирлар ўртасидаги финалда Aнастасия Саранцева тўп билан бажарилган машқда шоҳсупанинг учинчи поғонасидан жой олган бўлса, гуруҳ машқларида Доменика Дамирова, Иродахон Садикова, Диёра Бахтиёрова, Мубина Камолова, Ясмин Aмира Мирзаярова 5 та лента билан машқ бажаришда бронза медалига сазовор бўлишди.