11 дек 10:24
Янгиликлар

Бошқалар

Бадминтон: терма жамоамиз халқаро турнирда иштирок этмоқда

Айни кунларда Бангладешнинг Дакка ҳамда Туркиянинг Анқара шаҳарларида бадминтон бўйича халқаро турнир бўлиб ўтмоқда.

Мазкур мусобақада Ўзбекистон миллий терма жамоасидан 3 нафар спортчи иштирок этмоқда.

Мазкур халқаро турнирларда бадминтон бўйича дунёнинг 28 та давлатидан 250 нафарга яқин энг кучли спортчилар ғолиблик учун баҳс олиб боришмоқда. Бу эса ўз ўрнида бадминтон бўйича Ўзбекистон миллий терма жамоаси аъзоларининг жисмоний ҳолатини текшириш ва келгуси мусобақаларга тайёргарлик кўриш вазифасини ўтаб беради.

Халқаро мусобақалар Халқаро бадминтон федерацияси тартиб-қоидаларига мувофиқ ўтказилиб, унда спортчиларимиз Олимпия ўйинларига юқори рейтинг балларини қўлга киритиш учун баҳс олиб боришмоқда.