30 мар 12:46
Янгиликлар
Бадминтон. Хоразмда Ўзбекистон чемпионати старт олди
Урганч шаҳридаги “Бадминтон спорт маркази”да чемпионатнинг очилиш маросими бўлиб ўтди. Тантанали тадбирда Хоразм вилояти ҳокими Ф.Эрманов, вилоят жисмоний тарбия ва спорт бошқармаси бошлиғи Ш.Мадаминов, Республика бадминтон федерацияси вакиллари, ва спорт жамоатчилиги иштирок этишди.
Таъкидлаш жоиз, мусобақада мамлакатимизнинг турли ҳудудларидан 150 нафарга яқин ёш бадминтончилари ўзаро баҳс олиб боришади. Чемпионат давомида федерация мутасаддилари ва терма жамоа мураббийлари Ўзбекистон ёшлар жамоаси янги таркиби учун номзод спортчиларни танлаб олишни мақсад қилишган.
Дастурга кўра, спортчилар бир неча босқичда бўлиб ўтадиган жамоавий, яккалик, жуфтлик ва аралаш баҳсларда ўз имкониятларини синовдан ўтказишади. Якуний натижаларга кўра совринли ўринларни эгаллаганлар Ўзбекистон терма жамоасига қабул қилиниши белгиланган.
Чемпионат қатнашчилари ва меҳмонларининг бўш вақтларини мазмунли ташкил қилиш мақсадида Хоразм вилояти туризмни ривожлантириш департаменти томонидан вилоятдаги сайёҳлик объектлари бўйлаб экскурсиялар ташкил этиш ҳам режалаштирилган.
Фикрлар