26 сен 07:21
Янгиликлар

Бошқалар

Бадминтончиларимиз Мальдивдаги турнирда совриндор бўлишди

Мальдив оролларида ўтказилган бадминтон бўйича халқаро турнир ўз ниҳоясига етди.

“Maldives International Future Series-2019” турнирининг эркаклар ўртасидаги жуфтлик баҳсларида 18 мамлакат спортчилари иштирок этишди. Муросасиз кечган баҳсларда ҳамюртларимиз — Артём Саватюгин (Тошкент) ва Амрулло Бахшулаев (Бухоро) жуфтлиги фахрли 3-ўринни қўлга киритди.

Шиддатли ўтган асосий тўрнинг биринчи раундида спортчиларимиз малайзиялик спортчилар жуфтлигини 2:1 ҳисобида мағлубиятга учратди. Иккинчи босқичда эса улар ҳиндистонлик спортчилар устидан 2:0 ҳисобида ғалаба қозонган бўлса, финал йўлида вакилларимиз таиландлик спортчилардан иборат жуфтликка 0:2 ҳисобида имкониятни бой беришди. Якунда ҳамюртларимиз 3-ўрин билан кифояланди.