20 авг 17:56
Янгиликлар

Бокс/ММА

Баҳайбат Леснар Жонс сабаб UFCга қайтишга тайёр

Оғир вазнда собиқ UFC чемпиони яна бир бор октагонга қайтиш истагида эканлигини маълум қилди.

Бу ҳақда эркин кураш бўйича Олимпиада чемпиони, WWE ва TNA йўналишлари бўйича афсонавий рестлер Курт Энгл хабар берди. Энгл ҳозирда Леснар билан рестлинг бўйича WWE промоушенида бирга ишламоқда.

"У MMAдаги фаолиятини якунлашини айтганди. Буни мен жуда яхши биламан. Лекин Леснар битта жанг туфайли октагонга қайтади. Брок Жон Жонсга қарши жанг қилмоқчи. Бу аниқ! Аммо, бу режа амалга ошадими ёки йўқ, бу катта масала", -дея Энглнинг сўзларидан иқтибос келтирмоқда ESPN MMA.

Эслатиб ўтамиз, аввалроқ UFC президенти Дана Уайт Леснар бошқа октагонга қайтмаслигини маълум қилган эди.