Баҳодир Жалолов Фьюри - Уайлдер жангига муносабат билдирди

Тайсон Фьюри ва Деонтей Уайлдер баҳсидан сўнг оғир вазнли боксчимиз Баҳодир Жалолов Olamsport.com сайти учун ушбу трилогия ҳақидаги фикрларини билдириб ўтди. 

Жалолов Уайлдернинг мағлубиятига унинг очиқ жанг ўтказиши сабаб деб ҳисоблайди.

«Жанг яхши бўлди. Тайсон Фьюри анчайин яхши тайёрланган экан. Уайлдер барибир 5-6 раундларда чарчаб қолди. Физиологик жиҳатдан тайёр эмас экан. Мен учун Фьюри Уайдерга қараганда кучли боксчи. Чунки Уайлдер очиқ жанг қилади. Шунинг учун мағлуб бўлди деб ўйлайман, жуда кўп зарба ўтказиб юборди. Ўтказиб юборилган зарбалар йиғилиб-йиғилиб охирида барибир нокаут ҳолатига тушди. Боксда бу қадар кўп зарба ўтказиб юбориш яхши эмас. Тайсон Фьюри Александр Усикка ҳам анча муаммо туғдирадиган боксчи», - деди Баҳодир Жалолов.