16 ноя 12:59
Янгиликлар

Бокс/ММА

Баҳодир Жалолов Фьюри - Усик жангида ким ғалаба қозонишини тахмин қилди

Оғир вазн тоифасида ўзбекистонлик боксчи Баҳодир Жалолов кеча бўлажак жанги олдидан ташкил этилган матбуот анжуманида иштирок этди.

Боксчимиз матбуот анжумани давомида Тайсон Фьюри ҳамда Александр Усик жангига тахмин билдирди.

"Биз 2-3 та жангдан кейин катта жангларга чиқамиз. Агар шунга қадар Фьюри ёки Усик жангга рози бўлса, улар билан жанг қилишни жуда хоҳлар эдим. Яқинда улар ўртасидаги мутлақ чемпионлик жанги бўлиб ўтади. Менимча, бу жангда Усик ғалаба қозонса керак. Аммо бу бокс, оғир вазнда ҳар қандай воқеа содир бўлиши мумкин. Лекин Усикка ишоняпман. Бу бокс, шундай экан, ҳар нарса содир бўлиши мумкин. Ҳар икки боксчига омад тилайман", - деди Жалолов.

Маълумот учун, Фьюри ва Усик жанги 2024 йилнинг 17 февраль куни Саудия Арабистонининг Ар-Риёд шаҳрида ўтказилади. Баҳодир Жалолов эса 17 ноябрь куни Тошкентда жанубий африкалик Крис Томпсон билан жанг қилади.