Баҳодир Жалолов Жошуа ва Усикка қарши жанг, Боб Арум билан келишув ва келгуси режалари ҳақида гапирди

"Жошуа ёки Усик билан жанг борасида кўп савол келяпти. Беришсин! Ҳар қандай жангга ва ҳар доим тайёрман. Бизга жанг беришса бўлгани. Ўзим ҳам Жошуа, Усик сингари номдор боксчилар билан жанг қилишни хоҳлаяпман.

Янги промоутер билан шартнома қилдик. Улар ҳам 3-4 та жангдан кейин Топ-10`даги яхши рақиблар билан жанг ташкиллаштиришни ваъда беришган. Агар бу йил улгурсам, яна битта жанг ўтказаман. Кейинги йил ҳам проф рингда 2-3 та жанг ўтказаман. Энди буёғига кучсиз рақиб бўлмайди. Рекорди яхши боксчилар бўлади. Чунки биз ҳозир барибир рекорд учун ишлашимиз керак", - деди Жалолов.

Эслатиб ўтамиз, Баҳодир Жалолов 27 август куни проф боксда ўзининг 13-жангини ўтказиб, 13-ғалабасини тантана қилган эди. Нигериялик Онориоде Эҳвариемега қарши жанг илк раунддаёқ ҳамюртимизнинг нокаути билан якунланганди.