Баҳодир Жалолов Камшибек Кўнкабаев билан яна жанг қиладими?

Айни вақтда пойтахтимиздаги "International" меҳмонхонасида "Шанхай Ҳамкорлик Ташкилотининг спорт элчилари" халқаро тадбирига бағишланган матбуот анжумани бўлиб ўтмоқда. 

Тадбирда боксчимиз Баҳодир Жалолов ҳамда қозоғистонлик Камшибек Кўнкабаев ҳам иштирок этмоқда.

Баҳодир Жалолов журналистлар саволларига жавоб берар экан, қозоғистонлик боксчи билан муносабати ҳақида фикр билдирди.

"Кўнкабаев билан рингда рақибмиз, ундан ташқарида дўстмиз. Ҳаваскорда бўладими ёки профессионал боксдами тўғри келиб қолсак, жанг қиламиз. Лекин ҳозир у проф боксда -91 кг вазнда ҳаракатланмоқда, мен эса супер оғир вазнда", - дея Баҳодир Жалоловнинг сўзларидан иқтибос келтиради сайтимиз ходими Сарвиноз Рахмонқулова.