25 сен 08:46
Янгиликлар

Бокс/ММА

Баҳодир Жалоловнинг собиқ рақиби вақтинчалик WBO чемпионлик камарини қўлга киритди

Кеча тунда Буюк Британиянинг Манчестер шаҳрида профессионал бокс оқшоми бўлиб ўтди.

Кечанинг марказий жанги супероғир вазн тоифасида вакант бўлиб турган вақтинчалик WBO чемпионлик камари учун кечди. Унда британиялик Жо Жойс Янги Зеландия вакили Жозеф Паркерга қарши рингга кўтарилди. Жангнинг 11-раундида Жойс чап қўлда берган кучли зарбаси эвазига Паркер (30–3, 21 КО)ни нокаутга учратди ва камарга эга чиқди.

Эслатиб ўтамиз, Жо Жойс Рио-2016 Олимпиадасида Баҳодир Жалоловни мағлубиятга учратган эди. 37 ёшли Жо Жойс ҳамон мағлубият нималигини билмай келяпти. 2017 йилнинг октябрида проф боксдаги фаолиятини бошлаган Жойс 15 та ўтказиб, барчасида ғалаба қозонган. Ҳисобида 14 та нокаут бор.