Баҳодирлар ўйинлари: Алпларимиз Яшил қитъадаги жаҳон чемпионатига йўл олишди

Мазкур мусобақада 7 нафар спортчимиз делегация раҳбари Абдулла Раҳматов ва тажрибали мураббийВохиддин Нажмиддинов бошчилигида иштирок этишади. Вакилларимизнинг барча сарф-ҳаражатлари Жисмоний тарбия ва спорт вазирлиги томонидан молиялаштирилади.

Бу жаҳон чемпионати Халқаро тош кўтариш федерацияси тартиб-қоидаларига мувофиқ бир йилда бир маротаба ўтказиладиган нуфузли халқаро мусобақа ҳисобланади. Чемпионатда дунёнинг 28 та давлатидан 520 нафар энг кучли спортчилар иштирок этади. Бу эса баҳодирлар ўйинлари ва тош кўтариш бўйича Ўзбекистон миллий терма жамоаси аъзоларининг жисмоний ҳолатини текшириш ва келгуси мусобақаларда юқори натижага эришишга ёрдам беради.

Баҳодирлар ўйинлари ва тош кўтариш бўйича бўлиб ўтадиган жаҳон чемпионатида иштирок этувчи Ўзбекистон спорт делегациясининг таркиби қуйидагича:

1. Муқум Арзикулов

2. Нуриддин Эргашев

3. Мухтарам Алиева

4. Жавохир Қурбонов

5. Ёдгорой Нажимова

6. Асадбек Ўзгенбоев

7. Лочин Хусанов