08 окт 18:15
Янгиликлар

От Спорти

Баҳромжон Газиев Ўзбекистон спорти тарихида илк бор мамлакатимиз вакили сифатида Осиё от спорти федерацияси вице-президенти бўлди

Теглар : От спорти Баҳромжон Газиев Осиё от спорти федерацияси

Евроосиё от спорти ассоциацияси вице-президенти, Ўзбекистон йилқичилик ва от спорти федерацияси раиси Баҳромжон Газиев янги лавозимга сайланди.

Ханчжоу-2022 ХIХ ёзги Осиё ўйинларининг от спорти мусобақалари ўтказилган Тогнлу шаҳрида Осиё от спорти федерациясининг навбатдан ташқари Бош ассамблеяси бўлиб ўтди. Унинг кун тартибидан федерация вице-президентларини сайлаш масаласи ҳам ўрин олган эди. Таъкидлаш керакки, ушбу юксак лавозимга номзодлар орасида Хитой, БАА, Жанубий Корея, Ливия ва Эрон вакиллари қатори Ўзбекистондан номзод илгари сурилди.

Овоз бериш натижаларига кўра, ҳамюртимиз Баҳромжон Газиев Осиё от спорти федерацияси висе-президенти лавозимига сайланди.

Шунингдек, Осиё от спорти федерацияси вице-президенти лавозимига Япония, Жанубий Корея ва Ливия вакиллари ҳам тасдиқланишди.