18 окт 15:48
Янгиликлар

Бокс/ММА

Бакли Мэлоттдан қабул қилиб олган бугунги нокаутли мағлубияти ҳақида гапирди

UFC`нинг ярим ўрта вазн тоифасидаги (77 кг гача) америкалик жангчиси Хоакин Бакли бугун UFC Fight Night 291 турнирида канадалик Майк Мэлоттдан қабул қилган мағлубиятига илк бор изоҳ берди.

"Нима бўлганини ҳаммангиз биласиз. Умуман олганда, жанг мен кутгандек кечмади. Мен чиқиб, нокаут билан ғалаба қозонишим кутилаётган эди, аммо якунда одамлар шоудан завқ олишди, томоша қизиқарли бўлди. Ишонаманки, менинг чиқишим спортга янги мухлисларни жалб қилади.

Одамлар нима дейишидан ёки вазият қандай ривожланишидан қатъи назар, мен шунчаки машғулотларга қайтаман ва ўз номимни тиклашда давом этаман. Менинг исмим Хоакин Бакли! Мен тўхтамайман. Олдинга қараб ҳаракат қилишда давом этаман", — деб ёзди Бакли ижтимоий тармоқлардаги саҳифасида.