10 май 15:07
Янгиликлар

Дзюдо

Baku Grand Slam. Муҳриддин учинчи ғалабасини қўлга киритди

Озарбайжон пойтахти Боку шаҳрида “Катта Дубулға” туркумига кирувчи нуфузли турнир давом этмоқда.

Baku Grand Slam 2019 мусобақасида уч нафар ўзбекистонлик дзюдочилар - Муҳриддин Тиловов, Шаҳзод Собиров ва Обидхон Нумонов юртимиз шарафини ҳимоя қилишяпти.

Ҳозиргина -66 кг вазн тоифасидаги дзюдочимиз Муҳриддин Тиловов турнирдаги учинчи ғалабасини қўлга киритди. Юртдошимиз исроиллик кучли рақиб Барух Шмаиловни мағлубиятга учратди ва чорак финалга чиқди.

Маълумот учун, Тиловов илк даврада қатарлик Аюб Элидриссини иппон, яъни соф ғалаба эвазига мағлуб этган, иккинчи босқичда бельгиялик Кеннет Ван Гансбекедан устун келган эди. Муҳриддин чорак финалда озарбайжонлик Иброҳим Алиевга қарши татамига чиқади.