12 май 13:37
Янгиликлар

Дзюдо

Baku Grand Slam. Собиров иккинчи беллашувида мағлубиятга учради

Бугун Озарбайжон пойтахти Боку шаҳрида ўтказилаётган “Катта Дубулға” туркумига кирувчи нуфузли турнир якунига етади.

Афсуски, Baku Grand Slam 2019 мусобақаси биз учун муддатидан аввал якунланиб бўлди. Сўнгги учинчи кунги баҳсларда иштирок этган Шаҳзодбек Собиров иккинчи давра учрашувида мағлубият аламини тотиб кўрди.

-90 кг вазн тоифасидаги юртдошимиз биринчи даврада британиялик Жамал Петгравдан устун келган эди. Лекин дзюдочимиз бироз аввал якунига етган иккинчи босқич баҳсида венгриялик Кристиан Тотга ютқазиб қўйди.

Эслатиб ўтамиз, “Катта Дубулға” туркумидаги ушбу турнирда уч нафар дзюдочимиз юртимиз шарафини ҳимоя қилди. Улардан энг яхши натижага Муҳриддин Тиловов эришди. -66 кг вазнда бешинчи ўринни эгаллаган Тиловов ўз ҳисобига 360 рейтинг очкосини ёзиб қўйди.