Баркамол авлод-2019. Белбоғли курашчилар сараланди

Хоразм вилояти жисмоний тарбия ва спорт бошқармаси, Ўзбекистон ёшлар иттифоқи вилоят кенгаши, Ўзбекистон талабалар спорти ассоциацияси вилоят минтақавий бўлими ҳамда вилоят белбоғли кураш федерацияси ҳамкорлигида ташкил этилган мусобақада 80 нафардан зиёд спортчи 9 вазн тоифасида ғолиблик йўлида ўзаро беллашди. 

Якуний натижаларга кўра, Ҳурмат Эгамберганов (50 кг), Талант Йўлдошев (55 кг), Темур Рўзимбоев (60 кг), Нусрат Йўлдошев (65 кг), Абдулазиз Маратов (71 кг), Оғабек Аматбоев (77 кг), Санжар Жумабоев (83 кг), Достон Бахтиёров (90 кг) ва Нодирбек Сапарбоев (+90 кг) ғолиблик шохсупасига кўтарилишди. 

Эндиликда ўз вазн тоифаларида ғолиб бўлган хоразмлик ёш полвонлар “Баркамол авлод-2019” спорт ўйинларининг республика босқичида вилоят шарафини ҳимоя қилишади.