06 апр 18:18
Янгиликлар
Бошқалар
«Баркамол авлод-2022»: Республика финал босқичининг навбатдаги ғолиблари аниқланди
«Баркамол авлод-2022» спорт ўйинларининг Республика финал босқичидан ўрин олган бадминтон спорт тури бўйича навбатдаги йирик мусобақа ўз якунига етди.
Самарқанд вилояти мезбонлик қилган ушбу мусобақада республикамизнинг 14 та ҳудудидан академик лицей ва профессионал таълим муассасалари ўқувчи-ёшлари республика чемпионлиги учун кураш олиб боришди.
Муросасиз беллашувларга айланиб кетган финал баҳслари томошабинларда ҳам юқори таассурот қолдирди. 114 нафар ўғил-қизлар иштирокида кечган баҳслар якунига кўра умумжамоа ҳисобида Сирдарё вилояти вакиллари 1-ўринни ўзлариники қилишди.
Хоразм вилояти терма жамоасига 2-ўрин насиб этган бўлса, мезбон самарқандлик ёшлар 3-ўрин билан тақдирланишди.
Маълумот учун, «Баркамол авлод» спорт ўйинларининг республика финал босқичи доирасида яна белбоғли кураш, стол тенниси, шахмат ва шашка спорт турлари бўйича жами 5 та мусобақа ўтказилади.
Ҳавола :
Манба : Спортни ривожлантириш вазирлиги
Фикрлар