"Барселона" "Бавария"га мослашиб кетолмаётган футболчини кузатяпти

Бу ҳақда Sport.es хабар бермоқда.

Манбага кўра, "кўк-анорранглилар" қишки трансфер ойнаси вақтида Сарагоса ҳақида маълумот сўраган, бироқ собиқ "Гранада" футболчиси қишда испан клубини тарк этишни хоҳлаган ва шу сабабли "Бавария"га ижара асосида ўтишни маъқул кўрган. Бироқ Сарагоса "Бавария"да мослашиш, хусусан, тил билан боғлиқ муаммоларга дуч кела бошлади. 

Таъкидланишича, мюнхенликлар бош мураббийи Томас Тухель вингерга қизиқмаган. Тухель келаётган ёзда клубни тарк этар экан, Сарагосанинг "Бавария"даги келажаги ҳам ноаниқ. "Барселона"дагилар вингерни қулай шартларда сотиб олишга ишониб туришибди.

Сарагоса жорий мавсум барча мусобақаларда 23 та ўйинда қатнашиб, 6 та гол ва 2 та голли узатмага муаллифлик қилди. Transfermarkt порталида берилган маълумотларга кўра, футболчининг трансфер қиймати 12 миллион еврони ташкил қилади.