09 июл 14:27
Янгиликлар

Футбол

"Барселона" етакчиси жароҳат сабабли мавсум бошини ўтказиб юборади

"Барселона" клуби ҳамда Уругвай миллий жамоаси ҳимоячиси Рональд Араухо янги мавсум олди йиғинларни ўтказиб юбориши кутилмоқда.

Араухо Америка кубоги-2024 чоракфинали доирасидаги Бразилияга қарши учрашувнинг 33-дақиқасида жароҳат олиб, майдонни тарк этганди.

Mundo Deportivo хабарига кўра, Араухонинг тикланиши учун 8 ҳафта талаб этилиши мумкин. У "Барса"нинг Ханс-Дитер Флик қўл остида 10 июлдан бошланадиган мавсум олди йиғинининг дастлабки қисмини ўтказиб юборади.

Бундан ташқари, текширувлардан сўнг тиббий тахминлар ўз тасдиғини топса, 25 ёшли ҳимоячи Ла Лиганинг августдаги дастлабки турларини ўтказиб юбориши мумкин.